Company · Education Administration Programs

Shonbay Business School

Shonbay Business School - Қазақстан нарығында бизнеске негізделген толық циклды мамандарды дайындайтын қазақ тілді бизнес мектеп. Бизнес мектептің негізін қалаушылар - Қуаныш Шонбай мен Мейірбек Бердібайұлы. Қуаныш Шонбай - кәсіпкер, экс-ресторатор. Бизнес, тиімділік, жеке даму салалары жайлы “Екінші болма”, “Құпия”, “Бизнес симфония” кітаптарының авторы. Мейірбек Бердібайұлы - кәсіпкер. Қуаныш Шонбайдың бизнестегі әріптесі, өмірдегі жақын досы. “Бизнес симфония” кітабының авторы. Shonbay Business School-2020 жылы 1 шілде күні ресми түрде ашылған бизнес мектеп. Ең алғашқы өз студенттерін “Интернет-маркетолог” курсы арқылы жинаған. Оқу ұзақтығы 3 айдан тұратын “Интернет-маркетолог” курсы қазіргі нарық қажет ететін негізгі 5 бағыт бойынша білім береді. Олар: сайт жасау, копирайтинг, мобилография, таргетинг. Аталған салалар аясында білім алып шыққан кез келген адам өзін сайт жасау маманы, копирайтер, мобилограф, таргетолог, сату маманы немесе осының барлығын құрайтын интернет-маркетолог ретінде нарыққа ұсына алады. Осы уақытқа дейін Shonbay Business School ұсынған “Интернет-маркетолог” курсын 9846 студент білім алып шыққан. Оның ішінде 475 студент 3 ай көлемінде табысын миллион теңгеден асырып, “Миллионер” атанған. Курстың 5 легінен бастап әлемнің кез келген түкпірінде отырған адам біздің курсты оқуға 100% мүмкіндік алды. Себебі онлайн білім беру жүйесі құрылып, сол арқылы “Интернет-маркетолог” курсы онлайн курстар әлеміне өзінің алғашқы қадамы жасады. Shonbay Business School-ға студенттер әлемнің түкпір-түкпірінен қатысады. Атап айтатын болсақ: Түркия, Еуропа, Америка, Ресей, Оңтүстік Корея т.б Әрине, Қазақстанның да әртүрлі қалаларынан студенттер қатысып, адам сенгісіз нәтижелер көрсетіп жатыр. Онымен қоса, Shonbay Business School спикерлері біздің онлайн студенттерімізге арнап 6 рет офлайн кездесу ұйымдастырды. Олар: Алматы, Нұр-Сұлтан, Шымкент, Ақтау, Атырау, Атырау қалаларында болып өтті.